निर्वाचन हुने क्षेत्रका सबै विद्यालय वैशाख २५ देखि ३१ गतेसम्म बिदा ।

टुरिजमन्यु, वैशाख २० । स्थानीय तहको निर्वाचनका लागि सम्बन्धित प्रदेशका सबै विद्यालय यही वैशाख २५ देखि ३१ गतेसम्म बिदा हुने भएका छन् ।

यही वैशाख ३१ गते पहिलो चरणमा प्रदेश नम्बर–३, ४ र ६ मा स्थानीय तहको निर्वाचन हुने भएकाले निर्वाचन आयोगको आग्रह र शिक्षा मन्त्रालयको निर्देशनमा चार दिन विद्यालयमा बिदा दिने निर्णय भएको शिक्षा विभागका महानिर्देशक बाबुराम पौडेलले जानकारी दिए ।

सो बिदाबापत अन्य समयमा पढाएर विद्यार्थीलाई क्षतिपुर्ति दिइनेछ । कतिपय विद्यालयमा मतदान केन्द्र हुने र निर्वाचनपूर्व राजनीतिक गतिविधि बढ्ने भएकाले विद्यालयमा निर्वाचनअघि विगतमा पनि बिदा दिइन्थ्यो । रासस

तपाईको प्रतिक्रिया

सम्बन्धित समाचार