विदेशी नागरिकको सहयोगमा विद्यालय निर्माण

विदेशी नागरिकको सहयोगमा पूर्वखोला गाउँपालिका– १ सानो गल्धामा विद्यालय भवन निर्माण गरिएको छ । जापानका नागरिक काजुमासा काकिमि (ओकेबाजे) को आर्थिक सहयोगमा सानो गल्धामा रहेको मदनआश्रित आधारभूत विद्यालयको ६ कोठे पक्की भवन निर्माण गरिएको हो ।

विद्यालयको भवन निर्माणका लागि सहयोगदाता ओकेबाजेले रु १८ लाख, साविक सिलुवा गाविसबाट विनियोजित दुई लाख रुपैंया, शान्तिका लागि विकास मन्त्रालयबाट एक लाख रुपैंया, स्थानीयवासीको ५१ हजार बराबरको श्रमदान, आठ लाख ५० हजार ऋण गरी जम्मा रु ३० लाख ५५ हजारको लागतमा भवन निर्माण गरिएको विद्यालयका प्रधानाध्यापक दलबहादुर हिस्कीले जानकारी दिनुभयो । विद्यालयमा नयाँ भवन निर्माण भएपछि नयाँ शैक्षिक सत्र सञ्चालन गर्न सजिलो भएको विद्यालयले जनाएको छ ।

तपाईको प्रतिक्रिया

सम्बन्धित समाचार