राष्ट्रपतिद्वारा निर्वाचन सफल बनाउन अपिल


राष्ट्रपति विद्यादेवी भण्डारीले स्थानीय तहको निर्वाचन सफल बनाउन आह्वान गर्नुभएको छ । राष्ट्रपति भण्डारीले मतदाताको नाममा सन्देश जारी गर्दै आइतबार हुने निर्वाचन शान्तिपूर्ण रुपमा सफल बनाउन आह्वान गर्नुभएको हो ।
राष्ट्रपति भण्डारीको सन्देशमा भनिएको छ “देश नयाँ संरचनामा गएको परिप्रेक्ष्यमा यो निर्वाचन नेपालको संविधानले २०७४ माघ ७ गतेभित्र सम्पन्न हुनु पर्ने भनी अंगिकार गरेको तीन तहको निर्वाचनको पहिलो खुड्किलो भएकाले यसको आफ्नै महत्व छ ।
यो निर्वाचनले स्थानीय तहलाई अधिकार सम्पन्न गराई स्थायित्व र आर्थिक सम्वृद्धिको ढोका खोल्ने छ भन्ने मलाई विश्वास छ ।” राष्ट्रपति भण्डारीले स्थानीय तहको निर्वाचनमा उत्साह र उमङ्गका साथ सहभागी भई संविधान प्रदत्त वालिग मताधिकारको प्रयोग गर्न आम मतदातालाई अपिल गर्नुभएको छ ।

तपाईको प्रतिक्रिया

सम्बन्धित समाचार