पत्रकार महासंघमा गोविन्द आचार्य

नेपाल पत्रकार महासंघको २५औँ महाधिवेशनबाट गोविन्द आचार्यको अध्यक्षतामा गठबन्धन प्यानल विजयी भएको छ । महाधिवेशनले ४७ सदस्यीय नयाँ कार्यसमिति चयन गरेको छ । मतगणनाको परिणामअनुसार आचार्यले ७३२ मत प्राप्त गरी विजयी हुनुभएको छ भने उहाँका निकटतम प्रतिद्वन्द्वी तीर्थ कोइरालाले ६२७ मत प्राप्त गर्नुभएको थियो ।
पदाधिकारीहरुमा पनि आचार्य नेतृत्वकै प्रेस सेन्टर र नेपाल प्रेस युनियनको संयुक्त समूह विजयी भएको छ भने केही सदस्यहरुमा प्रेस चौतारी नेपालको समूह विजयी भएको छ । कूल एक हजार ५०८ मतदातामध्ये एक हजार ४४९ मत खसेको थियो ।
निर्वाचित पदाधिकारीहरुमा खुला उपाध्यक्षतर्फ विपुल पोख्रेल, समावेशी उपाध्यक्ष दिलीप थापामगर, महासचिव रमेश विष्ट, खुला सचिव रामप्रसाद दाहाल, महिला सचिव लक्ष्मी पुन, आदिवासी जनजाति सचिव उदय जिएम, मधेशी सचिव शीतलप्रसाद महतो, दलित सचिव रेमबहादुर विश्वकर्मा, एशोसिएट सचिव प्रकाश थापा र कोषाध्यक्ष राजेश मिश्र रहेका छन् । यस्तै, लेखा समितिको संयोजकमा रोशन पुरी विजयी हुनुभएको छ ।

तपाईको प्रतिक्रिया

सम्बन्धित समाचार