९६ हजार महिलाले सुरक्षित गर्भपतन गराए ।

परिवार स्वास्थ्य माहाशाखाको तथ्याङ्कअनुसार आर्थिक वर्ष २०७३/७४ मा ९६ हजारभन्दा बढी महिलाले सुरक्षित गर्भपतन सेवा लिएका छन् । राष्ट्रिय सुरक्षित गर्भपतन सेवा दिवस २०६४ का अवसरमा महाशाखाले आयोजना गरेको पत्रकारसम्मेलनमा एक वर्षमा ९६ हजार महिलाले सुरक्षित गर्भपतन गरेको जानकारी दिइएको हो ।

त्यसैगरी, नेपालका ग्रामीण भेगसम्म महिलालाई सुरक्षित गर्भपतन सेवाको पहुँच सुनिश्चित गर्न तीन हजारको हाराहारीमा चिकित्सक, नर्स तथा अनमीलाई तालीम प्रदान गरी करिब एक हजार १०० स्वास्थ्य संस्थाबाट सेवा सञ्चालान गरेको महाशाखाका निर्देशक डा नरेशप्रताप केसीले जानकारी दिनुभयो ।

नेपालमा २०५९ सालमा मुलुकी ऐनको एघारौँ संशोधनमार्फत गर्भपतनले कानुनी मान्यता पाएको दिनको सम्झनास्वरुप तीन वर्षदेखि यसलाई राष्ट्रिय सुरक्षित गर्भपतन सेवा दिवसको आयोजना गरी मनाएको हो । ‘सुरक्षित गर्भपतन सेवा महिलाको प्रजनन अधिकारलाई टेवा’ भन्ने मूल नाराका साथ यो दिवस मनाइएको हो ।

नेपाल सुरक्षित गर्भपतन सेवाको भए पनि अझै ५८ प्रतिशत महिलाले असुरक्षित वा सरकारले मान्यता नदिएको संस्था, व्यक्तिबाट गर्भपतन गराइरहेको महाशाखाको तथ्याङ्कमा उल्लेख छ ।

नेपालको संविधान धारा, ३८ (२) ले प्रत्येक महिलाको प्रजनन स्वास्थ्य अधिकारलाई मौलिक हकका रुपमा सुनिश्चित गरेको छ । सोही अनुरुप गुणस्तरीय सेवा प्रदान गर्न महाशाखाले प्रयत्न गरिरहेको जनाएको छ ।

तपाईको प्रतिक्रिया

सम्बन्धित समाचार