नेयमारलाई आगामी सिजनका सुरुवाती तीन खेल खेल्न प्रतिबन्ध ।

युरोपियन फुटबलको सर्वोच्च निकाय युएईएफएले फ्रेन्च क्लब पेरिस सेन्ट जर्मेन (पीएसजी) का स्ट्राइकर नेयमारलाई तीन खेलको प्रतिबन्ध लगाएको छ । च्याम्पियन्स लिगअन्तर्गत इंग्लिस क्लब म्यानचेस्टर युनाइटेडविरुद्धको खेलमा रेफ्रीको निर्णयमा आपत्तिजनक प्रतिक्रिया दिएको भन्दै युएईएफएले नेयमारलाई प्रतिबन्ध लगाएको हो ।

च्याम्पियन्स लिगअन्तर्गत अन्तिम १६ को दोस्रो लेगमा पीएसजी युनाइटेडसँग ३–१ ले पराजित हुँदै प्रतियोगिताबाट बाहिरिएको थियो । युनाइटेडसँगको हारपछि बेञ्चमा रहेका नेयमारले सामाजिक सञ्जालमा रेफ्रीको निर्णयमा असन्तुष्ट जनाउँदै आपत्तिजनक प्रतिक्रिया लेखेका थिए ।

नेयमारले इन्स्टाग्राममा फुटबल नबुझेको रेफ्रीले ह्याण्डबल दिएको भन्दै आपत्ति जनक शब्द लेखेका थिए । प्रतिबन्धसँगै नेयमारले आगामी सिजनको च्याम्पियन्स लिगमा समूह चरणका सुरुवाती तीन खेल गुमाउने छन् ।

तपाईको प्रतिक्रिया

सम्बन्धित समाचार